ՄԱԿ-ի գլխավոր քարտուղար Պան Գի Մունը ընդունել է աշխարհի ամենահայտնի կորեացուն՝ ռեփեր PSY-ին և նրա հետ պարել Gangnam style պարը, որի տեսահոլովակը Youtube-ում սահամանել է բոլոր ռեկորդները:
Գլխավոր քարտուղարը և PSY-ը, մի քիչ ամաչելով լրագրողներից և տեսախցիկներից, ձեռքերը պահել են առջևում և, հեծյալի կեցվածք ընդունելով, մի քանի անգամ թափահարել են դրանք:
Այս պարը հայտնի է դարձել գունավոր տեսահոլովակի շնորհիվ, որը Youtube –ում հավաքել է 560 մլն դիտում: Այս թիվը 10 անգամ ավելի է, քան Հարավային Կորեայի բնակչության թիվը: Եթե Պան Գի Մունը աշխարհահռչակ կորեացի դառնալու համար դիվանագետի երկար ճանապարհ է անցել, ապա 36-ամյա Պակ Չե Սանին հերիք էր հրապարակել իր տեսահոլովակը, որը գլոբալ համաճարակի ազդեցություն ունեցավ:
«Ես կարծում եմ, որ մենք կարող ենք աշխատել միասին՝ օգտագործելով մեր համաշխարհային իմիջը»,- հայտարարել է Պան Գի Մունը:
