Երկրաբանները բացահայտել են, որ երկրաշարժը, որը տեղի է ունեցել 2011թ. մայիսի 11-ին` իսպանական Լորկի քաղաքի մերձակայքում, կարող էր լինել ֆերմերների կողմից գրունտային ջրային շերտերը չորացնելու հետևանք: Գիտնականները այս մասին հրապարակել են Nature Geoscience ամսագրում:
Որպեսզի պարզվի երկրակեղևում փոփոխությունների պատճառը, որը տեղի է ունեցել մայիսյան երկրաշարժի հետևանքով, գիտնականները կատարել էին տեղանքի ռադիոտեղորոշիչ արբանյակների սքանավորում:
Երկրաբանները պարզել էին, որ սեյսմիկ ակտիվությունը տեղանքում տեկտոնական շերտերի 20-սանտիմետրանոց տեղաշարժի հետևանք է: Տեղաշարժը տեղի էր ունեցել քիչ խորության վրա՝ ընդամենը մակերևույթից 3 կմ-ի վրա:
Գիտնականներն իրենց ուշադրությունը հրավիրել էին այն բանի վրա, որ գրունտային ջրերի մակարդակը ավազանում վերջին 50 տարում նվազել է 250 մետրով:
1960-ից ի վեր տեղական ֆերմերները ջրում են իրենց արտերը ավելի ու ավելի խորը ջրհորերից, որոնցից շատերը կառուցված են անօրինական` տեղեկացնում է Lenta.ru-ն:
Հաշվարկները ցույց են տվել, որ ջրի սպառումը խախտել է հավասարակշռությունը ընդերքում:
