Վերջին ժամանակաշրջանում Մադրիդի «Ռեալ»-ի պաշտպան Պեպեի անունն ու «կոպիտ խաղ» արտահայտությունը գրեթե մեկ ամբողջ են կազմում: Դորտմունդի «Բորուսիա»-ի հարձակվող Ռոբերտ Լևանդովսկին նույն կարծիքն ունի:
Հիշեցնենք, որ թիմերը հանդիպելու են Չեմպիոնների Լիգայի խմբային փուլի հերթական տուրում, և իսպանական լրատվամիջոցներին տված հարցազրույցի ժամանակ Լևանդովսին հույս է հայտնել, որ պորտուգալացին արտահայտված կոպտության չի դիմի:
«Մենք գիտենք, թե որքան հզոր է «Ռեալ»-ը: Բայց ես նրանցից վախենալու պատճառ չեմ տեսնում: Հուսով եմ` հանդիսատեսը դիտարժան ֆուտբոլի ականատես կդառնա, որը կավարտվի մեր թիմի հաղթանակով:
Կարծում եմ` «արքայական ակումբ»-ի յուրաքանչյուր ֆուտբոլիստ մեր դարպասի մոտ վտանգ կարող է ստեղծել. չէ՞ որ նրանք լավագույններն են աշխարհում: Ցանկանում եմ հուսալ, որ Պեպեն մաքուր կխաղա, և նրա հետ խնդիրներ չեն առաջանա»,- նշել է Լևանդովսկին:
