Լիբանանի մայրաքաղաքում տեղի է ունեցել պայթյուն, որի հետևանքով զոհվել է ազգային հատուկ ծառայությունների ղեկավարը՝ տեղեկացնում է Ֆրանչեսկո Բատիստինին Corriere della Sera-ի ընթերցողներին:
«Գեներալ Վիսամ ալ-Հասանը տեղաշարժվում էր քաղաքում՝ հետևելով սահմանված կանոններին: Նա կնոջն ու երեխաներին ուղարկել էր Փարիզ, որտեղ դեռ մեկ տարի առաջ թաքնվել էր նրա քաղաքական հովանավորը՝ նախկին վարչապետ Սաադ Հարիրին, քանի որ նա կասկածել է բոլորին և սպասել հնարավոր ամեն ինչ»,- գրում է հոդվածի հեղինակը:
«Ֆալանգիստների առաջնորդ Միշել Ջաաջաանի խոսքով՝ գեներալը հաճախ էր փոխում տունն ու հեռախոսները, նա հանդիպումները նշանակում էր ամենավերջին պահին և հետևում անվտանգության ծայրահեղ միջոցառումներին, նա շատ զգույշ էր և նախազգուշացնում էր նրանց վտանգի մասին: Սակայն այդ ամենը չօգնեցին: Հասանի թիկնապահը օրը ցերեկով պայթել է 30կգ պայթուցիկի վրա: Նրա հետ զոհվել է ևս 7 մարդ, վիրավորվել 80 անցորդ, այդ թվում՝ երեխաներ, որոնք այդ պահին դուրս էին եկել քրիստոնեական թաղամասի դպրոցներից»,- հայտնում է հրատարակությունը:
Այդ ահաբեկչությունը միտք է ցնցում: «Դա բացահայտ նախազգուշացում է,- գրում է տեղական An-Nahar թերթը,- կարելի է վստահությամբ խոսել միայն մի բանի մասին. կատավածը կապ ունի Սիրիայում ընթացող պատերազմի հետ: Եվ Լիբանանը չի կարող իրեն անվտանգ զգալ, եթե շուրջն ամեն ինչ եռում է»:
«Կրկին ուրիշ պատերազմ,- գրում է լրագրողը,- այն, որ սիրիացի փախստականների հետ Լիբանան են գալիս նաև ռումբեր, կանխատեսելի էր: Ասադի ռեժիմը երբեք չի դադարել Բեյրութն իրենը համարելուց: Լիբանանի նախկին վարչապետ Հարիրիի շրջապատի մարդիկ համոզված են, որ գեներալի դեմ ահաբեկչությունն իրականացրել են սիրիական ռեժիմին հավատարիմ ուժերը, այդ թվում՝ լիբանանյան կառավարության կազմի մեջ մտնող «Հըզբոլլահը»»,- գրում է հոդվածագիրը:
