Իտալական «Ֆիորենտինա»-ի հարձակվող Լուկա Տոնին, ով ժամանակին հանդես է եկել «Բավարիա»-ում, խորհուրդ է տվել «Բարսելոնա»-ի նախկին գլխավոր մարզիչ Խոսեպ Գվարդիոլային գլխավորել մյունխենյան ակումբը:
«Գվարդիոլան ինձ հարցուփորձ էր անում «Բավարիա»-ի մասին: Կարծում եմ՝ մյունխենցիների ակումբային փիլիսոփայությունը լիովին համապատասխանում է նրան:
Պեպը հիանալի մարզիչ է, ով կարող է աշխատել «Բավարիա»-ի հետ: Կարծում եմ՝ նա կարող է թիմին ինչ-որ հատուկ բան տալ:
Ես խորհուրդ կտայի Պեպին գլխավորել «Բավարիա»-ն, քանի որ այն աշխարհի լավագույն ակումբներից մեկն է: Այն հարուստ թիմ է հիանալի մարզադաշտով ու լավ կառավարմամբ»,- Տոնիի խոսքերն է մեջբերում Bild-ը:
