Դատարանում շարունակվում է երգչուհու և նրա նախկին մենեջերի միջև պայքարը: Այսօր Սեմ Լյութֆին հերթական նիստի ժամանակ ներկայացրել է իր վկային, ով էլ բոլորին պատմել է, թե ինչու է 2008 թ. Բրիթնի Սփիրսը խուզել մազերը:
Սեմ Լյութֆին Լոս Անջելեսի դատարան է բերել երգչուհու նախկին թիկնապահին: Ջո Շլեյմերի խոսքերով՝ մի քանի տարի առաջ երգչուհին իսկապես թմրանյութ էր օգտագործում, սակայն Բրիթնիի մենեջերը ոչ միայն չէր մատակարարում նրան արգելված միջոցները, այլև այժմ նույնիսկ դարձել է քավության նոխազ:
«Նա օգտագործել է ամֆետամիններ, ինչի պատճառով ամեն ինչ հակառակ գնաց: Լյութֆին փորձում էր օգնել Բրիթնիին, սակայն դա էլ չօգնեց նրան»,- հայտարարել է Շլեյմերը` երդվելով Աստվածաշնչի վրա:
Թիկնապահն ասել է նաև, թե ինչու է երգչուհին մազերը խուզել: Նա դա արել էր, որպեսզի անցնի արգելված միջոցների թեստը: Ինչ-որ մեկը Բրիթնիին ասել էր, որ մազերը պահպանում են թմրամիջոցների հետքերը:
