«Ալ-Քաիդան Արաբական թերակղզում» կազմակերպության զինյալները հարձակում են գործել Եմենի հարավում ռազմաբազայի վրա, որտեղ շարունակվում են ահաբեկիչների ոչնչացման լայնածավալ ռազմական գործողությունները: Այս մասին հաղորդում է Agence France-Presse-ը՝ վկայակոչելով տեղի վարչակազմի ղեկավարությանը:
Հոկտեմբեի 19-ի առավոտյան մահապարտ վարորդը ականապատ մեքենայով իրեն պայթեցրել է Աբյան մարզի ռազմաբազայում, ինչի հետևանքով զոհվել է եմենյան բանակի առնվազն 9 զինվոր: Զինվորները ոչնչացրել են երկու հարձակվողներին, երրորդին հաջողվել է փախչել: Reuters-ի տվյալներով՝ հարձակման հետևանքով զոհվել 10 զինվոր և 11 ենթադրյալ գրոհային: AFPտեղեկություններով՝ ռազմաբազայի վրա հարձակումից առաջ գրոհայինները՝ զինված, մահապարտի գոտիներով և պայթուցիկներով, անցել են մի քանի անցակետերով:
«Ալ-Քաիդան Արաբական թերակզում» շարժումը ահաբեկչական ցանցի տարածաշրջանային ստորաբաժանումն է և համարվումէ ամենավտանգավոր բջիջներից մեկը:
2012 թ. մայիսից Եմենի զինվորականները ԱՄՆ-ի աջակցությամբ ահաբեկիչների ոչնչացման լայնածավալ գործողություններ են անցկացնում: Արդյունքում զինյալները լքել են իրենց դիրքերը երկրի հարավում, այդ թվում՝ Աբյան մարզում: Այնուամենայնիվ, ահաբեկիչները շարունակում են հարձակումներ գործել քաղաքացիական և ռազմական օբյեկտների վրա:
