Google ընկերության գլխավոր տնօրեն Լարի Փեյջը, որը 4 ամիս առաջ կորցրել էր ձայնը, կրկին կարողանում է խոսել: Այս մասին հայտնում է The Wall Street Journal-ը:
Այս ընթացքոմ նա հրապարակավ ելույթ չէր ունեցել: երեքշաբթի Google Zeitgeist ամենամյա կոնֆերանսի ժամանակ Փեյջի կես ժամանոց ելույթը առաջինն էր վերջին 4 ամսում:
Google-ի ղեկավարի խոսքի մեծ մասը նվիրված է եղել ընկերության դեմ ԵՄ հակամենաշնորհային մարմինների հավակնություններին: Փեյջը հույս է հայտնել, որ Google-ը բոլոր խնդիրները կհարթի եվրոպացի պաշտոնյաների հետ:
Մեկնաբանելով եվրոպացի կարգավորող մարմինների հետ խնդիրները, Փեյջը նշել է, որ օգտատիրոջ համար կարևոր է գտնել այն, ինչ իրեն պետք է, այլ ոչ թե ստանալ տարբեր որոնողական համակարգերից մի քանի տարբերակներ:
Google-ի համահիմնադրի առողջության հետ կապված խնդիրների մասին հայտնի էր դարձել հունիսի 21-ին, երբ նա չհայտնվեց բաժնետերերի ամենամյա ժողովին: Ընկերությունում նրա բացակայությունը բացատրել էին նրանով, որ Փեյջը «կորցրել է ձայնը»: Թե ի՞նչ հանգամանքներում է դա տեղի ունեցել, չի հստակեցվում:
