Ինչպես գրում է Tageszeitung-ի սյունակագիր Մաթիաս Լորեն` տղամարդուն սեքսի մեջ ամենից շատ տպավորում է ոչ թե զուգընկերուհու գեղեցկությունը, այլ այն հանգամանքը, որ ինքը զբաղվում է սեքսով:
«Վատ սեքսի բանաձևը» ակնհայտորեն ուժեղ սեռի ներկայացուցիչները չեն մտածել:
Ինչ վերաբերում է սեռական հարաբերությունից հետո առաջին արտահայտությանը, ապա այս դեպքում տղամարդը մի քանի րոպե իրեն չի կառավարում:
«Կանայք գիտեն մեր այդ վիճակը: Կանանց ամսագրերում անընդհատ բախվում ես այդ անհասկանալի էակների քննադատությանը»,- նշվում է հոդվածում:
Ամերիկյան հետազոտություններից մեկի շրջանակներում հետազոտողները փորձել են պարզել, թե ինչն է ավելի կարևոր երկու սեռերի ներկայացուցիչների համար` քնքշանքները նախքան սեքսը, հենց սեքսը, թե քնքշանքները սեքսից հետո:
Պարզվել է, որ եթե կանանց մեծ մասը սեքսում գնահատում է հենց նախքան և սեքսից հետո քնքշանքները, ապա ոչ մի տղամարդ չի հիշատակել, թե ինչ է տեղի ունենում սեռական հարաբերությունից հետո:
Այն հանգամանքը, որ տղամարդը սպառվում է սեռական ակտից հետո, բացառապես ֆիզիոլոգիական պատճառ է: Սեռական ակտի ժամանակ մարդկության ուժեղ սեռը ավելի շատ մկաններ է գործի դնում:
«Ֆիզիկական ծանրաբեռնվածությունը բերում է արյան մեջ գլյուկոզայի նվազման: Բացի այդ, պրոլակտին հորմոնը, որը արտադրվում է տղամարդու մոտ սեքսից հետո, նրան բերում է այնպիսի վիճակի, որը «խաղաղ պայմաններում» նրան անծանոթ է` լիակատար հոգևոր հաճույքի: Եվ դա տևում է գրեթե 5 րոպե»,- հավելում է հոդվածը:
Ըստ հեղինակի` հենց դա էլ բացատրում է այն հանգամանքը, որ սեքսից հետո տղամարդը ձգտում է առաջին հերթին ինքն իր հետ վայելել այդ հաճույքը:
