Չնայած այն հանգամանքին, որ Յայա Տուրեի` «Մանչեսթեր Սիթի»-ի հետ կնքած պայմանագիրը գործում է մինչև 2015 թվականը (իվուարցին այդ ժամանակ կլինի 32 տարեկան), ֆուտբոլիստի գործակալը ցանկանում է նոր պայմանագիր պահանջել իր հաճախորդի համար:
Ըստ այդ պայմանագրի` Տուրեն ներկայիս 150.000-ի փոխարեն կստանա 220.000 ֆունտ շաբաթական աշխատավարձ:
Ակումբը չի շտապում արձագանքել և բանակցություններ սկսել մոտ ժամանակներս: «Մանչեսթեր Սիթի»-ն ցանակնում է բանակցությունները սկսել հաջորդ ամառ: Խաղացողի գործակալ Դմիտրի Սելյուկը հայտարարեց, որ Տուրեն կարող է լքել իր ներկայիս թիմն ու հայտնվել եվրոպական այլ գրանդ ակումբում, ընդ որում` ընթացիկ մրցաշրջանից հետո:
«Տուրեն մեծ նվաճումների է հասել «Սիթի»-ի կազմում: Նա հաճույքով կընդունի նոր մարտահրավերներ: Բացի այդ, նրա տրանսֆերային արժեքը մեծ չէ»,- հայտարարել է գործակալը:
