Թուրքական Sabah թերթին տված հարցազրույցի ժամանակ «Վրացական երազանք» դաշինքի առաջնորդ, Վրաստանի վարչապետի թեկնածու Բիձինա Իվանիշվիլին հայտարարել է, որ մտադիր է Բաթումում փակել բոլոր խաղատները, խաղային ակումբներն ու հասարակաց տները.
«Այդպիսի հաստատությունները պետությանը չեն ապահովում հատուկ շահույթ և միայն խաթարում են երկրի հեղինակությունը: Անհնար է զբոսաշրջիկներին հրապուրել այդօրինակ հաստատություններով: Դրանք միայն փչացնում են երկրի իմիջը: Բացի այդ, պետությանը բաժին է ընկնում այդ ոլորտից ստացվող շահույթի միայն 1 տոկոսը»:
Նշվում է, որ Բաթումում առկա է 4 խաղատուն, մոտ 30 խաղային ինքնագործող ակումբ, ավելի քան 10 հասարակաց տուն, որոնք պաշտոնապես արգելված են Վրաստանում: Բիձինա Իվանիշվիլիի գլխավորած «Վրացական երազանքը» հոկտեմբերի 1-ին հաղթել է ինչպես երկրի խորհրդարանական ընտրություններում, այնպես էլ Աջարիայի Ինքնավար Հանրապետության Գերագույն խորհրդի ընտրություններում:
