Դուք գիտե՞ք՝ հիմա տարվա որ եղանակն է: Երևի թե հարկ լինի, որ նայեք ձեր որոնողականի պատմությունը:
«To everything (turn, turn, turn) … there is a season (turn, turn, turn) … and a time … to every purpose … under heaven» («Ամեն ինչի համար … կա անհրաժեշտ պահ… և ժամանակ… ամեն նպատակի համար… երկնի ներքո»):
Ճիշտ է Աստվածաշունչը: Ճիշտ են Byrds-ը: Սակայն նման գրված ճշմարտությունները չեն պատմում մեզ, որ «երկնի նեռքո յուրաքանչյուր նպատակ»-ը իր մեջ ներառում է ոչ միայն ցանքն ու բերքահավաքը, ծիծաղն ու լացը, այլ նաև, ինչպես պարզ է դարձել, Google-ում պոռնո կայքերի որոնումը:
Այժմ մենք այդ մասին գիտենք՝ շնորհիվ ժամանակակից գիտության ցանածի և հնձածի: Համաձայն Archives of Sexual Behaviour-ում վերջերս հրապարակված հետազոտության արդյունքների` պոռնոգրաֆիան համացանցում սեզոնային բնույթ է կրում: Որո՞նք են համացանցում պոռնոյի ամենաբարձր սեզոնները. ձմեռն ու ամառվա վերջը:
Villanova համալսարանի հետազոտողները Google Trends-ում ստուգել են այնքան հաճախ փնտրվող բառեր, ինչպիսիք են «porno» , «ххх», «xxvideos» և այլն: Նրանք հայտնաբերել են, որ գոյություն ունի վերելքների և վայրէջքների որոշակի ցիկլ, որոնք կրկնվում են ամեն վեց ամիսը մեկ: Այդ գրաֆիկական ցիկլը զարմանալի կերպով ցույց է տալիս տարվա եղանակների փոփոխությունը:
Գիտնականները իրենց վարկածը հաստատելու համար կազմել են սեքսուալ թեմաների հետ կապ չունեցող տերմինների ցուցակ, որոնց որոնումը նման օրինաչափություն չի դրսևորել:
Այս կերպ ակնհայտ է դառնում, որ խոսքն այստեղ բուն սեքսի մասին է: Եվ դա հաստատվում է Villanova համալսարանի կատարած փորձի շնորհիվ: Գիտնականները առանձնացրել են այս թեմային բնորոշ այլ տերմիններ և նկատել, որ մարմնավաճառության և ծանոթության կայքերի որոնմանն էլ է նույն հաճախականությունը բնորոշ:
Ըստ էության, գիտնականների բացահայտումը ապշեցնում է: Համացանցը գիտի, թե մենք ինչ ենք ուզում: Նա մեզ միևնույն՝ մոտ տարածությունից է ճանաչում:
