Մեքսիկայում պիցցա պատվիրած տղան և աղջիկը սպանել են առաքիչին նրա համար, որ նա իրենց կարծիքով չափազանց ուշ է պիցցան բերել` հաղորդում է Espanol UPI գործակալությունը:
Հոկտեմբերի 11-ին իշխանությունները ձերբակալել են սպանության կասկածյալներին, իսկ նրանք ընդունել են իրենց մեղքը: Նրանց հեշտությամբ են հայտնաբերել, որովհետև հասցեն հայտնի էր արագ սննդի ռեստորանին, որտեղից էլ իրականացվել էր պատվերը:
Ինչպես հաղորդում է Vanguardia պարբերականը` կալանման ժամանակ 22-ամյա երիտասարդը սկսել է կռվել ոստիկանության աշխատակիցների հետ, իսկ նրա ընկերուհին փայտով հարվածել է օրենքի աշխատակցին:
Զոհվածի և մարդասպանների անունները չեն հայտնում: Հայտնի է միայն, որ տղամարդը մահացել է պարանոցին հասցված դանակի հարվածներից: Նրա մարմինը հայտնաբերվել է աղբանոցում` սպանությունից երկու օր անց: