Հենվելով Երկրագնդի գնդաձության մասին անտիկ ուսումնասիրությունների ու 15-ր դարի գիտնականների սխալ հաշվարկների վրա՝ Քրիստափոր Կոլումբոսը կազմեց իր հաշվարկներով Եվրոպայից Հնդկաստան տանող ծովային ճանապարհի կարճ նախագիծ:
1485թ. երբ Պորտուգալիայի արքան մերժեց նրա նախագիծը, Կոլումբոսը տեղափոխվեց Կաստիլիա, որտեղ հիմնականում անդալուզցի վաճառականների ու բանկիրների աջակցությամբ կարողացավ կազմակերպել իր արշավախումբը՝ (1492-1493), որի կազմը բաղկացած էր 90 մարդուց:
Կոլումբոսը «Սանտա Մարիա», «Պինտա», «Նինյա» նավերով Փալոսից դուրս եկավ 1492թ. օգոստոսի 3-ին և Կանարյան կղզիներից թեքվեց Արևմուտք՝ հատելով Ատլանտյան օվկիանոսն ու հասնելով Բահամյան կղզիների Սան Սալվադոր կղզուն 1492թ. հոկտեմբերի 12-ին (Ամերիկայի հայտնաբերման պաշտոնական օրը): Հոկտեմբեր-դեկտեմբերին նա հայտնաբերեց և ուսումնասիրեց Կուբայի հյուիսարևելյան հատվածը:
Կոլումբոսը «Նինյա» նավով 1493թ. հունվարին ավարտեց Հայիթիի հյուսիսային ափի ուսումնասիրությունն ու մարտի 15-ին վերադարձավ Կաստիլիա:
Ի պատիվ Կոլումբոսի կողմից Ամերիկայի բացահատման՝ իսպանացիները հոկտեմբերի 12-ը տոնում են իսպանացի ազգի ազգային տոնը, որն այլ կերպ անվանվում է Իսպանիդադի օր: