Կանադայի ռազմածովային ուժերի սպա Ջեֆֆրի Փոլ Դիլայլը, ով նախօրեին խոստովանել է, որ այլ երկրի (հավանաբար, Ռուսաստանի) համար լրտեսություն է արել, դրա համար 3 000 դոլար ամսեկան վճար է ստացել, հայտնում է РИА Новости-ն` հղում անելով կանադական Globe and Mail թերթին: Դիլայլը ձերբակալվել է այս տարվա հունվարին: 41-ամյա սպայի դեմ մեղադրանք է ներկայացվել 2001-ին Կանադայում ընդունված տեղեկության անվտանգության մասին օրենքի շրջանակներում:
Թերթի տվյալներով` Դիլայլի դատը վրող դատավորն արգելել է հրապարակել այդ գործի մանրամասները: Սակայն քանի որ կասկածյալը խոստովանել է իր մեղքը, այս արգելքը կրցնում է ուժը:
Հայտնի է դարձել, որ Դիլայլը, իբր, հարցաքննությունների ընթացքում խոստովանել է, որ Մոսկվայի հետ իր «համագործակցությունը» սկսել է դեռ 2007-ին: Ըստ Կանադայի դատախազության` մեղադրյալը պատմել է իր գործողությունների համար ստացած վարձատրությունների մասին. նա, իբր, սկզբում ստացել է ամսեկան 5 000 դոլար, սակայն շուտով նրա «աշխատավարձը» կրճատվել է մինչև 3 000 դոլար: