Բրյուսելում բացվում է ՆԱՏՕ-ի պաշտպանության նախարարների մակարդակով երկօրյա հանդիպումը:
Ինչպես հաղորդում է Roebalt գործակալությունը, հանդիպման գլխավոր թեմաները կլինեն պաշտպանական պոտենցիալի ավելացումը և Աֆղանստանում ու Կոսովոյում դաշինքի գործողությունները: Բացի այդ, ակնկալվում է, որ նախարարները կքննարկեն Սիրիայում և թուրք-սիրիական սահմանին իրավիճակի սրման հետ կապված հարցեր:
Հանդիպման ընթացքում կքննարկվի 2014 թ. Աֆղանստանից միջազգային կոալիցիայի ուժերի դուրսբերումից հետո ՆԱՏՕ-ի հետագա գործողությունների առաջին փուլը: Նոր առաքելության մանրամասն ծրագիրը պետք է մշակվի մինչև 2013 թ. ավարտը:
Աֆղանստանի հարցով քննարկումներին կմասնակցեն Աֆղանստանի գործողություններին մասնակցած, սակայն ՆԱՏՕ-ի մեջ չմտնող երկրների նախարարներ: Հաղորդվում է, որ այդպիսի 6 երկիր ցանկություն են հայտնել մասնակցել ՆԱՏՕ-ի առաքելության շարունակմանը 2014 թվից հետո:
