Քաղաքագետ Երվանդ Բոզոյանը Սոչիի եռակողմ հանդիպումից մեծ սպասումներ չունի:
Իսկ անդրադառնալով Հարավային Կովկասում ԵՄ նախկին հատուկ ներկայացուցիչ Փիթեր Սեմնեբիի հայտարարությանը, թե ԼՂ հակամարտության կարգավորման ուղղությամբ նշանակալի քայլեր կարվեն, այն էլ` շատ մոտ ապագայում, Բոզոյանը նշեց, թե Սեմնեբիի կարգի գործիչները պետք է այդպիսի գնահատականներ տան, որովհետեւ ցանկացած հանդիպում դրական քայլ է:
Բոզոյանի գնահատմամբ, ցանկացած հանդիպում նշանակում է այլընտրանք հնարավոր պատերազմին, որի մասին անընդհատ խոսում են Բաքվում:
Ինչ վերաբերում է Ադրբեջանում ԱՄՆ դեսպան Մեթյու Բրայզայի հայտարարություններին` ԼՂ գործընթացի կարգավորման վերաբերյալ, Բոզոյանը նշեց, որ հաշվի առնելով այն հանգամանքը, որ Բրայզան շատ էքսցենտրիկ անձնավորություն է և այնքան հակասական մտքեր կարող է ասել, որ նրան մեկնաբանելն անիմաստ է:
