Մանր առևտրով զբաղվող մարդկանց նման խնդրի առաջ կագնեցնելը այս պահին նպատակահարմար չէր։ Այս մասին մեզ հետ զրույցում նշեց հոգեբան Կարինե Նալչաջյանը։
«Տեղյակ լինելով, թե սոցիալական իրադրությունը ինչքան վատ է, մարդիկ վատ են ապրում, աղքատությունը գնալով տարբեր պատճառներով աճում է, այս խնդիրը բարձրացնելը տեղին չէր այս պայմաններում։ Որպեսզի առևտուրը քաղաքակիրթ լինի, ոչ մի առարկություն չկա։ Բայց քանի որ մեր վիճակը սպեցիֆիկ և յուրահատուկ է այն իմաստով, որ կա աղքատության, գնաճի, գործազրկության խնդիր, պետք չէ այս հարցը նման սրությամբ դնել։
Հատկապես այն դեպքում, երբ այդ ամենի հետևում մարդկային ճակատագրեր են կանգնած։ Հետևաբար մարդկանց ընդվզումը միանգամայն նորմալ եմ համարում»,- անդրադառնալով առևտրականների և «Ժառանգության» ներկայացուցիչների հետ կապված միջադեպին` նշեց հոգեբան Կարինե Նալչաջյանը։
