Հինգշաբթի Ուզբեկստանում բացվել է Art Week Style.uz-2012 Արվեստների շաբաթը,- հաղորդում է РИА Новости-ն:
Միջոցառման սկիզբը դրել է նախագահի դուստր Գուլնարա Քարիմովան` Երիտասարդների արվեստի պալատի դիմաց հանդիսավոր կերպով սեղմելով սիմվոլիկ կարմիր կոճակը։
Art Week Style.uz-2012 նախագիծը բացել է Տաշքենդի միջազգային VI ֆոտոցուցադրությունը, որում ներկայացրել են XX դարի լեգենդար լուսանկարիչ Մաքս Պենսոնի աշխատանքները:
Զուգահեռաբար ընթացել են նաև ֆրանսիացի նկարիչ Թրան Թրոնգ Վյուի աշխատանքների և «Սերունդները փոխվում են, ավանդույթները` մնում» նախագծի ցուցադրությունները:
Аrt Week Style Մոդայի և արվեստի շաբաթն ամենամյա է 2006-ից:
Հայտնի մոդելավորող Ջոն Գալյանոն առաջինն է եղել, որը բացել է այս ցուցադրությունը:
Ներկայիս միջոցառմանը մասնակցում են այնպիսի հայտնի նորաձևության տներ, ինչպիսիք են` Valentino-ն, Dolce&Gabbana-ն, Oscar de la Renta-ն և այլն:
