ՄԱԿ-ի Անվտանգության խորհուրդը դատապարտել է սիրիական տարածքից Ակչակալե թուրքական քաղաքի հրետակոծումը` միջադեպի պատասխանատվությունը դնելով սիրիացի զինվորականների վրա: ՄԱԿ-ի ԱԽ-ն կոչ է արել Դամասկոսին հարգել հարևան երկրների ինքնիշխանությունը: Այս մասին հայտնում է РИА Новости-ն:
Չորեքշաբթի երեկոյան Սիրիայի տարածքից արձակված արկերը պայթել էին Թուրքիայի հարավ-արևելքում` խլելով 5 մարդու կյանք, այդ թվում` կանանց ու երեխաների: Ի պատասխան՝ Թուրքիան կրակ էր բացել սիրական տարածքի ուղղությամբ, որտեղից, ենթադրաբար, հասցվել էր հարվածը:
Համաձայն փաստաթղթի` Անվտանգության խորհուրդը պահանջել է, որպեսզի միջազգային օրենքների նման խախտումները անհապաղ դադարեցվեն և այլևս չկրկնվեն:
Փաստաթղթում ուշադրություն է դարձվում նաև այն բանին, որ միջադեպը «ընդգծում է սիրիական ճգնաժամի ճակատագրական վնասը հարևանների անվտանգության, տարածաշրջանային խաղաղության և կայություն վրա»:
«ՄԱԿ-ի ԱԽ անդամները զսպվածության կոչ են արել»,- նշվում է հայտարարությունում,:
Մինչ Անվտանգության խորհրդում քննարկվում էր թուրք-սիրիական սահմանին տեղի ունեցած միջադեպին արձագանքելու հարցը, ՄԱԿ-ում Սիրիայի մշտական ներկայացուցիչ Բաշար Ջաֆարին հայտնել է լրագրողներին, որ իր կառավարությունը խոստացել է հետաքննել, թե ով է կրակ արձակել թուրքական բնակավայրի վրա: Բացի այդ, նա ասել է, որ Սիրիայի կառավարությունը խնդրում է ՄԱԿ-ի ԱԽ_ին արձագանքել Հալեպի պայթյուններին, որտեղ չորեքշաբթի մի քանի ականապատված մեքենաներ են պայթեցվել։ Դրանց զոհ է դարձել, նախանական տվյալներով` 30 մարդ:
Ինչպես լրագրողների հայտնել է ՄԱԿ-ում ՌԴ մշտական ներկայացուցիչ Վիտալի Չուրկինը, այդ առիթով Անվտանգության խորհուրդ է ներկայացվել հայտարարության ռուսական նախագիծ, որը կքննարկվի ուրբաթ:
