РИА Новости-ի փոխանցմամբ՝ Ռուսաստանը հուսով է, որ կկարգավորվեն Վրաստանի հետ երկկողմանի հարաբերությունները և ընդհանրապես Անդրկովկասում տիրող իրավիճակը: Այս մասին այսօր տեղի ունեցած ճեպազրույցի ժամանակ հայտարարել է Ռուսաստանի ԱԳՆ-ի պաշտոնական ներկայացուցիչ Ալեքսանդր Լուկաշևիչը՝ մեկնաբանելով հոկտեմբերի 1-ին Վրաստանում անցկացված խորհրդարանական ընտրությունների արդյունքները.
«Հաշվի առնելով այդ ընտրությունների արդյունքները՝ մենք հուսով ենք, որ վրա կհասնի կառուցողական փոփոխությունների ժամանակաշրջանը, որոնք հնարավորություն կտան ոչ միայն երկկողմանի պլանում կարգավորել հարաբերությունները, այլև՝ ընդհանրապես Անդրկովկասում տիրող իրավիճակը: Ի դեպ, հիշեցնում եմ, որ ոչ թե մենք նախաձեռնեցինք դիվանագիտական հարաբերությունների խզումը, այլ պարոն Սաակաշվիլին: Վրաստանի ընտրությունները դեռ իմաստավորման կարիք են զգում:
Մենք դատելու ենք՝ ելնելով ոչ թե վրացի քաղաքական գործիչների հայտարարություններից, այլ նրանց քայլերից, ինչպես որ մենք արել ենք այլ երկրների պարագայում: Ռուսաստանն ավանդաբար դարերով բարեկամություն է արել վրաց ժողովրդի հետ»:
