Մեծ Բրիտանիայում Օմար անունով կորած կատվի տերերը նրան գտնողին խոստացել են 25 ֆունտ ստեռլինգ և պարգև՝ շոկոլադի ցմահ պաշարի տեսքով: Այս մասին տեղեկացնում է The Sun-ը:
Տերերը՝ Ռեյլթոնն ու Դոուն Էլիոթը, նրան փնտրում են արդեն երկու շաբաթ, սակայն որոնումները դեռ որևէ արդյունք չեն տվել:
Կատվին Օմար են անվանել՝ ի պատիվ եգիպտացի, այնուհետև հոլիվուդյան դերասան Օմար Շարիֆի: Կենդանուն բրիտանացի զույգը գտել է Եգիպտոսում՝ հյուրանոցի մոտ, լքված վիճակում: Նրանք ենթադրում են, որ կատուն տեր է ունեցել, սակայն Հոսնի Մուբարաքի տապալման ժամանակ շատերը լքել էին իրենց տները, և, հավանաբար, այդ ժամանակ կատվին թողել էին հյուրանոցի մոտ՝ հուսալով, որ այն նոր տեր կգտնի:
