«168 ժամ»-ի թղթակցի հարցին, թե ՀՀ առաջիկա նախագահական ընտրություններում Ռուսաստանի ընտրությունը Հայաստանի քաղաքական ուժերից ո՞ւմ վրա կանգ կառնի, «Ղարաբաղ» կոմիտեի նախկին անդամ Աշոտ Մանուչարյանը պատասխանել է.
«Իրավիճակը բացարձակ խաղային է. վաղը մեկ էլ Ռուսաստանը կարող է պարզի, որ ում վրա ինքը հաշվարկում էր, նա վաղուց արդեն Արևմուտքի հետ խորը գործարքի մեջ է և լրիվ նրա գործիքն է դարձել: Այդ դեպքում ՌԴ-ում մի քիչ այլ ձևով են մտածելու: Ես արդեն ասացի` գործիքները խիստ նրբացված և հարստացված են Արևմուտքի կողմից, և ՌԴ-ն սկսել է ավելի ու ավելի շատ հասկանալ: Եվ այդ պատճառով, եթե որևէ մեկը կասի, թե Ռուսաստանի թեկնածուն սա է, ուրեմն` դա խոսակցություն է պահի ազդեցության տակ, քանի որ վաղը այդ ամենը կարող է լրիվ փոխվել»: