Այսօր ալժիրյան Eechorouk թերթը գրել է, որ Եգիպտոսի նախկին նախագահ Հոսնի Մուբարաքի կինը` Սյուզան Մուբարաքը, երկրից դուրս է բերել միլիարդավոր դոլարներ: Ոսկու ավելի քան 250 ձուլակտոր և մոտ 3 մլրդ դոլարը Եգիպտոսից հանելուն Սյուզան Մուբարաքին օգնել են Ֆրանսիայի իշխանությունները:
Նույն թերթը նաև տեղեկացնում է, որ երկրի գլխավոր դատախազության պահանջով Եգիպտոսի կենտրոնական բանկը հայտնել է Մուբարաքի ակտիվների մասին, իսկ դատախազությունը արգելանք է դրել Կահիրեի ֆոնդային բորսայում Մուբարաքի և նրա ընտանիքին պատկանող բաժնետոմսերի վրա:
Հիշեցնենք նաև, որ նույն թերթն այսօր տեղեկացրել էր, որ Մուբարաքի որդին` Գամալը, ինքնսպանության փորձ էր կատարել, սակայն ընտանեկան բժշկին հաջողվել էր նրան փրկել:
