ԱԺ բրիֆինգների ժամանակ առաջինը լրագրողների հարցին պատասխանելու պատրաստակամություն հայտնեց ՀՀԿ խմբակցության նախագահ Գալուստ Սահակյանը:
Սակայն տևական ժամանակ լրագրողները հարցեր չէին գտնում՝ ուղղելու Գալուստ Սահակյանին, քանի որ, հանգամանքների բերումով, բոլոր հարցերին պատասխանում էր Գալուստ Սահակյանը:
Այնուամենայնիվ, լրագրողները հետաքրքրվեցին, թե նա ինչպես է վերաբերվում «Ժառանգության» պատգամավորների հետ կատարված միջադեպին և ոստիկանների հայտարարությանը։ Ի պատասխան՝ Գալուստ Սահակյանն ասաց, որ այս պահին գնահատականներ չի կարող տալ, քանի որ ԱԺ նախագահ Հովիկ Աբրահամյանը և վարչապետ Տիգրան Սարգսյանը հրահանգել են, որպեսզի տեղի ունեցածի հետ կապված ծառայողական քննություն անցկացվի:
Նա ասաց, որ ոչ թե մեղավորներ գտնելն է կարևոր այստեղ, այլ նման «սիտուացիաներից» զերծ մնալը, և ավելացրեց, որ պատգամավորների լիազորությունն այն է, որ հասարակության դժգոհությունը ներկայացնեն խորհրդարանին և կառավարությանը, հատկապես այն դեպքում,երբ դրա լիազորությունները ունեն։