Կողմ` 64, դեմ` 6 քվեարկությամբ երեկ Վարդան Օսկանյանին զրկեցին անձեռնմխելիությունից: 1 քվեաթերթիկ անվավեր էր: Քվեարկությանը մասնակցել էր 71 պատգամավոր: Aravot.am-ը ՀՀԿ պատգամավոր Կարինե Աճեմյանից հետաքրքրվեց` ՀՀԿ-ն դեռ չի՞ գտել, թե ովքեր էին այդ 6 պատգամավորները: Տիկին Աճեմյանը պատասխանեց. «Ի՞նձ եք հարցնում: Ես որևէ կանխատեսում չունեմ` ովքեր են, և ոչ էլ դա կարելի է կանխատեսել: Ճիշտն ասած, չի կարելի մարդկանց կասկածել»:
Թերթի դիտարկմանը, որ փաստ է հիմա եղածը, նա պատասխանեց. «Դե փաստ է, հիմա թող 6 հոգի էլ այդպես քվեարկեն»: «Առավոտ»-ի հարցին` Հանրապետականը հաշվեհարդար չի՞ տեսնի այդ 6-ի հետ` նա պատասխանեց. «Ոչ ոք չի կարող ասել` ով է»: