Այս գիշեր մոտ ժամը 1-ին Մոսկվայում անհայտ անձինք երկու ինքնաձիգներով կրակ են բացել 45-ամյա հայ գործարար Սերգեյ Բեգլարյանի Toyota Land Cruiser ջիպի վրա:
Ինչպես հաղորդում է Life News-ը, սպանվածի հարևանների խոսքերով՝ նրա մեքենային մարդասպանները հետևել են: Հարևաններից մեկը պատմել է, որ Բեգլարանը սովորաբար մեքենան կանգնեցում էր ստորգետնյա կայանում, սակայն այդ օրը չի հասցրել այնտեղ հասնել, քանի որ հենց դուրս է եկել, մարդասպանները կրակ են բացել:
Բեգլարյանը փորձել է փախուստի դիմել, սակայն նրա մեքենան բախվել է մեկ այլ մեքենայի, որից հետո մարդասպանները մոտեցել են ու շարունակել կրակելը:
Ոստիկանությունը Բեգլարյանի բնակարանում խուզարկության ժամանակ հայտնաբերվել է իսկական զինանոց: Հայ գործարարի բնակարանում հայտնաբերվել է 1 «Ստեչկին», 1 «Մակարով» տիպի ատրճանակներ, մարտական նռնակ և մեծ քանակության զինամթերք:
Life News-ի տեղեկություններով՝ 45-ամյա սպանված գործարարը կապ է ունեցել հանցագործ աշխարհի հետ: