ՀՀ նախկին արտգործնախարար Ալեքսանդր Արզումանյանը երեք անգամ քաղաքական կալանավոր է եղել, բայց որևէ անգամ «Բարգավաճ Հայաստան» կուսակցությունը չի ընդունել նրա` քաղբանտարկյալ լինելու փաստը: Այս մասին այսօր ԱԺ-ում ասաց ինքը՝ Արզումանյանը՝ անդրադառնալով ԲՀԿ-ական Վահե Հովհաննիսյանի՝ Վարդան Օսկանյանի և իր միջև տարված զուգահեռներին, համաձայն որոնց` Հայաստանի երկու նախկին արտգործնախարարներին մեղադրել են փողերի լվացման մեջ, ինչը վնասում է Հայաստանի միջազգային վարկը:
Շնորհակալություն հայտնելով իրեն հիշատակելու համար` Արզումանյանը, մասնավորապես, ասաց. «Ես իմ իրավունքները պաշտպանելու ձևը գիտեմ և կպայքարեմ, քանի դեռ Գլխավոր դատախազությունն ու Ազգային անվտանգության ծառայությունը ներողություն չեն խնդրել»:
