Այսօր Աբխազիան նշում է անկախության 20-ամյակը: Սեպտեմբերի 30-ը նաև համարվում է 1992-93 թթ. վրաց-աբխազական պատերազմում հաղթանակի օր:
Հիմնական միջոցառումները կանցկացվեն Տկուարչալ քաղաքում, որը պատերազմի բոլոր 413 օրերին պաշարման մեջ է եղել: Այնտեղ կբացվի զոհվածների հիշատակին նվիրված հուշահամալիր: Այս մասին հաղորդում է Rosbalt.ru-ն:
Հիշեցնենք` սեպտեմբերի 27-ին Աբխազիան նշում է Վրաստանի պետխորհրդի ուժերի կողմից Սուխումիի ազատագրման օրը:
Ազատագրման 19-ամյակի կապակցությամբ Փառքի զբոսայգի են այցելել պատերազմի վետերանները, զոհված զինվորների մայրերը, նախագահ Ալեքսանդր Անկվաբը, վարչապետ Լեոնիդ Լակերբայան և հանրապետության իշխանությունների այլ ներկայացուցիչներ:
Վրաստանի Պետխորհրդի ուժերը Աբխազիա են մտել 1992-ի օգոստոսին: Թբիլիսիի պաշտոնական վարկածով` դա անհրաժեշտ էր երկաթուղու պահպանման համար: Աբխազիան դա օկուպացիա է համարել: Հանրապետությանն օգնության էին եկել կամավորներ Հյուսիսային Կովկասից, հարավից և Ռուսաստանի այլ շրջաններից:
Սուխումիի ազատագրումը 11 օր է տևել: Գործողությունը ղեկավարել է պաշտպանության այն ժամանակվա նախարար, զինված ուժերի գլխավոր շտաբի պետ, գեներալ-մայոր Սերգեյ Դբարը:
