Համաձյան էստոնական ինտերնետ-պորտալներից մեկի անցկացրած հարցման արդյունքների՝ համացանցից օգտվողների մեծ մասը կցանկանար ապրել քարտեզի վրա արդեն 20 տարուց ավելի գոյություն չունեցող պետությունում` ԽՍՀՄ-ում: Ընդ որում՝ փլուզված այդ երկրում ապրել ցանկացողների թիվը գերազանցում է նրանց թվին, ովքեր ցանկանում են բնակության տեղափոխվել ԱՄՆ կամ Արևմտյան Եվրոպա:
ԽՍՀմ-ում կցանկանային ապրել հարցմանը մասնակցածների 58,4%-ը` 2762 մարդ, ԱՄՆ-ում ապրել ցանկանում էին 121-ը` այսինքն՝ 2,6%-ը, իսկ Արևմտյան Եվրոպա կցանկանային տեղափոխվել 627 մարդ` այսինքն՝ 13,3%-ը:
Իրենց հայրենիքում մնալու ցանկություն են հայտնել հարցվածների 7,4 %-ը, այսինքն` 351 մարդ:
Հավելենք, որ այն հարցին, թե «Որտեղ կցանկանայիք ապրել», պատասխանել է 4727 մարդ:
