ԲՀԿ պատգամավոր Նաիրա Զորաբյանը հիշեց Սումգաիթյան ողբերգության օրերը և նկատեց, որ Ադրբեջանի բարձրացրած հիստերիայի պարագայում մենք պատասխանողի դերում էինք, ինչի արդյունքում նրանց քարոզչությունը հակահայկական բնույթ ունեցավ:
ՕԵԿ պատգամավոր Հովհաննես Մարգարյանը անդրադարձավ Շիրակի մարզին և մեքենաներին վերաբերող մաքսային օրենսգրքի փոփոխություններին:
ՀՀԿ Արտակ Զաքարյանը նշեց,որ խորը կսկիծով է հիշում Սումգաիթյան դեպքերի ողբերգությունը և Մարտիմեկյան դեպքերը, սակայն եթե առաջինը հրահրել է թշնամին, ապա Մարտի 1-ը ներքին խնդրի հետևանք էր` «ով մեզ հետ չէ,մեր դեմ է»: Սակայն վերջում հույս հայտնեց, որ հայի ոգին լիցքավորվում է պետության համար դժվարին իրավիճակում:
ՀՀԿ պատգամավոր Գագիկ Մելիքյանը ևս անդրադարձավ սոցիալական խնդիրներին:
ՀՅԴ պատգամավոր Ռուզան Առաքելյանը նշեց, որ հանդիպել է Սպառողների ասոցիացիայի հետ և ասաց, որ ցանկանում է ԱԺ-ին ներկայացնել սպառողների դժգոհությունը, որը վերաբերում է հիմնականում ժամկետանց սնունդին և սննդի մեջ թունավոր բաղադրիչների պարունակությանը, ինչը նաև վտանգում է մեր ազգային անվտանգությանը:
ՀՅԴ պատգամավոր Արծվիկ Մինասյանը նշեց, որ իշխանությունների խնդիրը դարձել է ոչ միայն իշխանությունը գրավելու, այլ նաև այն պահելու խնդիր և այդ մասին են վկայում մարտի 1-2-ի դեպքերը, հետևաբար իրանք առաջարկում են միանալ իրենց ընտրական նոր ՀԿ-ին և վերջ դնել այս բարքերին:
ՀՀԿ-ական Իշխան Խաչատրյանը նշեց, որ ոչ միայն գարնան օրն է, այլ նաև գարունը գյուղատնտեսության ոլորտում աշխուժացնում է աշխատանքը և բերում նոր խնդիրներ: Նա ընթերցեց Արարատի մարզի մի շարք գյուղերի բնակիչների նամակը, որով պահանջում էին վերանայել ոռոգման ջրի հարցը:
ՀՀԿ պատգամավոր Համլետ Հարութունյանը, անդրադառնալով Ղարաբաղյան խնդրին, նշեց, որ Հայաստանի 3 նախագահներից ոչ ոք երկրի ներսում միասնականություն չեն ունեցել ղարաբաղյան հարցը կարգավորելու համար, հետևաբար մեզ միասնականություն է պետք այդ հարցը կարգավորելու համար:
