Իրանի նախկին նախագահ Ալի Աքբար Հաշեմի Ռաֆսանջանիի դստերը բանտարկել են քարոզչության հակակառավարական պրոպագանդայի համար: Այս մասին հաղորդում է РИА Новости-ն` հղում անելով իրանական ԶԼՄ-ներին:
Այս տարվա հունվարին դատարանի կայացրած որոշմամբ Ֆաեզա Հաշեմի Ռաֆսանջանին դատապարտվել է 6-ամսյա ազատազրկման: Պատժի կրման համար նրան մայրաքաղաքի Էվին բանտ են տեղափոխել շաբաթ օրը:
Հաշեմի Ռաֆսանջանին, որը նախկինում եղել է իրանական մեջլիսի պատգամավոր, այս տարվա հունվարին դատարանի կողմից մեղավոր է ճանաչվել 2009-ի նախագահական ընտրությունների ժամանակ ընդդիմության հանրահավաքին մասնակցելու մեջ: Այդ ընտրությունների արդյունքներով վերընտրվել է Մահմուդ Ահմադինեժադը: Դրանից հետո Ֆաեզային արգելվել է առաջիկա 5 տարում մասնակցել ցանկացած մշակութային և քաղաքական գործունեության:
Այդ ժամանակ Իսլամական հանրապետությունում ընտրական գործընթացը հասարակական մեծ արձագանք է ստացել, քանի որ, ընդդիմադիրները պնդում էին, որ ընտրությունների արդյունքները կեղծվել են: Ֆաեզան դատարանի առջև է կանգնել 2011-ի դեկտեմբերին, Իրանի իշխանությունների դեմ ուղղված գործունեության մեղադրանքով
Նրան ձերբակալել էին այն բանից հետո, երբ նա Թեհրանում պետական հեռուստատեսության շենքի մոտ չարտոնված հանրահավաքի ժամանակ ելույթով հանդես էր եկել հաջակցություն ընդդիմադիր թեկնածու Միրհուսեյին Մուսավիի:Այդ օրը հանրահավաքին մասնակցած բազմաթիվ ընդդիմադիր գործիչներ դատապարտվել են բանտարկության կամ տնային կալանքի, 5-ը` մահապատժի: