«Դմիտրի Անատոլևիչը կասի իր նախասիրությունների մասին, իսկ ինձ դուր է գալիս ընձառյուծը»,- ասել է Ռուսաստանի վարչապետ Վլադիմիր Պուտինը Սոչիի օլիմպիական խաղերի խորհրդանիշներն ընտրելուց առաջ:
Դրանից հետո վայրի կատուն, որը մինչ այդ գտնվում էր վերջին հորիզոնականներում անմիջապես դարձավ առաջատար: Դմիտրի Մեդվեդևը երեկ կարծիք է հայտնել, որ քվեարկությունը եղել է ոչ ազնիվ: Փորձագետները կարծում են, որ վարչապետի վարկը զգալի ազդել է այդ ընտրության վրա:
«Ընձառյուծը ուժեղ է, հզոր, արագ և գեղեցիկ: Ընձառյուծի տեսակն այստեղ` Կովկասում, վերացվել է, իսկ հիմա նորից վերականգնվում է»,- բացատրել է Պուտինը: Այդ բառերից հետո ընձառյուծը ստացավ ձայների 28%-ը, մինչդեռ մեկ ամիս առաջ հարցումները լրիվ հակառակ պատկերն էին ցույց տալիս:
Մեդվեդևն իր հերթին քվեարկության արդյունքներն անազնիվ համարեց: Երեկ «Առաջին լրատվականը» սրա մասին գրել է: Որոշ փորձագետներ կարծում են, որ Մեդվեդևն ակնարկել է հենց Պուտինի գործոնը, որն ազդել է ընտրության արդյունքների վրա:
Եթե այլ հասարակական քաղաքական գործիչներ նույնպես արտահայտեին իրենց կարծիքն այս հարցի կապակցությամբ, ապա իրավիճակն այլ կլիներ: այս մասին հայտարարել է Սոցիալական համակարգերի ինստիտուտի փոխտնօրեն Դմիտրի Բադովսկին:
«Այսօր Պուտինն ամենահայտնի քաղաքական գործիչներից է, նրա ձայնը լսում է երկու հիմնական լսարանները, որոնք նայում են «Առաջին ալիքը»` 18-24 տարեկան երիտասարդները և տարեցները: Բացի այդ, հանձնաժողովը հաշվի է առել վարչապետի ասածները: Կարծում եմ երեք խորհրդանիշների որոշումը կայացվել է նրա ասածների ազդեցության տակ, վերջին պահին»,- նշել է Բադովսկին:
Տեղեկացնենք, որ ընձառյուծը քվերակության արդյունքում գրավել էր երրորդ տեղը, և հանձնաժողովը որոշում է կայացրել օլիմպիական խաղերի համար ունենալ միանգամից 3 խորհրդանիշ: