Ռուսաստանի հարավում անցկացվող «Կովկաս-2012» զորավարժությունները չեն սպառնում Հարավային Կովկասի երկրների անվտանգությանը: Այս մասին հայտարարել է ՌԴ ԱԳՆ ներկայացուցիչ Ալեքսանդր Լուկաշևիչը:
Նրա խոսքերով` զորավարժություններն անցկացվում են ավանդույթի համաձայն՝ ռուսական զինված ուժերի պատրաստականությունը ստուգելու նպատակով:
«Այդ զորավարժությունները չեն անցկացվում ընդդեմ որևէ երկրի»,- մեջբերում է APA-ն Լուկաշևիչի խոսքերը:
Հիշեցնենք, որ Վրաստանի ԱԳ նախարար Գրիգոլ Վաշաձեն հայտարարել էր, որ Ռուսաստանի կողմից անցկացվող «Կովկաս-2012» զորավարժությունները սպառնում են հարավային Կովկասի երկրների անվտանգությանը, այդ թվում` Վրաստանի և Ադրբեջանի:
Լուկաշևիչն իր հերթին նախարարի հայտարարությունն անվանել էր «հիվանդ երևակայության արդյունք»:
