Թուրքիայի էկոնոմիկայի նախարար Զաֆեր Չագլայանը երեքշաբթի APA տեղեկատվական գործակալությանը հայտնել, որ ԵՄ-ն արդեն 50 տարի իր երկրի նկատմամբ անկեղծ չէ: Այս մասին գրում է Die Presse-ը:
Նախարարը բողոքել է, որ ԵՄ-ն, ինչպես միշտ, իր երկրին ուշադություն չի դարձնում, չնայած, այլ երկրների հետ համեմատած, իր երկիրը համապատասխանում է մաաստրիխտի չափանիշներին:
Նրա կարծիքով՝ «կգա այն օրը, երբ իրենց կաղաչեն մտնել ԵՄ», իսկ Թուրքիան «օրվա վերջում» կորոշի, ուզում է, թե ոչ: Չագլայանի խոսքերով՝ պարզ չէ, թե այդ ժամանակ ԵՄ-ը և եվրոն գոյություն կունենան, թե ոչ:
Չագլայանը հայտնել է, որ Թուրքիան անցած տասնամյակում նվազեցրել է պարտքը 73%-ից միչև 39%: Ճգնաժամը ոչ մի թուրքական բանկի անախորժություններ չի պատճառել, իսկ ԱՄՖ-ի պարտքերը նվազեցվել են 1,5մլդ դոլարով: Եվ վերջապես, շարունակել է էկոնոմիկայի նախարարը, անցած տարի երկրի տնտեսական աճը կազմել է 8,5%, իսկ ԵՄ-ը՝ 1,5%: Նախարարի հաշվարկներով, եթե Թուրքիան մտներ ԵՄ, ապա Եվրոպային ընդհանուր տնտեսական աճը կկազմեր 1,8%: Ինչևէ, Թուրքիան կշարունակի պայքարել ԵՄ մտնելու համար: «Մենք էլի կշարունակենք եվրոպացիներին բարկացնել: Կան մարդիկ, ովքեր ցանկանում են Եվրոպան դարձնել քրիստոնյաների ակումբ, իսկ Թուրքիային ներս չթողնել: Մենք դրա հետ չենք հաշտվի»,- հայտարարել է նա:
Քուրդ ապստամբների հետ կռիվները, որոնք նոր թափ են ստացել Թուրքիայի հարավ-արևելքում, Չագլայանը անվանել է արտաքին ուժերի խաղ, որոնք անհանգստացած են Թուրքիայի զարգացման տեմպից: Նա ավելացրել է, որ ունենալով քրդական ծագում, նա անձամբ կարող է փաստել, որ Թուրքիան վարվում է քրդերի հետ այնպես, ինչպես իր բոլոր քաղաքացիների հետ: «Պետությունը չխանգարեց ինձ նախարար դառնալ»:
