Մադրիդի «Ռեալ»-ի երիտասարդ պաշտպան Ռաֆայել Վարանն անչափ երջանիկ է, որ մասնակցել է Չեմպիոնների Լիգայի խմբային փուլի շրջանակներում կայացած «Մանչեսթեր Սիթի»-ի հետ հանդիպմանը:
Վարանը հայտնել է, որ իր համար անակնկալ էր հիմնական կազմում խաղադաշտ դուրս գալը:
«Ասեմ, որ զարմացած էի, երբ իմացա` հիմնական կազմում խաղադաշտ եմ դուրս գալու: Բանն այն է, որ ես այնքան էլ հաջող նախամրցաշրջանային շրջան չեմ անցկացրել: Բայց ես գիտեմ, որ մեր թիմի գլխավոր մարզիչը վստահում է ինձ: Երջանիկ եմ, որ մենք կարողացանք առավելության հասնել բարդ դիմակայությունում: Խաղի ավարտն անհավանական ընթացք ունեցավ»,- հայտնել է Վարանը:
