Հեռաուսուցման լաբորատորիան հիմնադրվել է Երևանի պետական համալսարանում 2004-ին` Մեծ Բրիտանիայի Բաց համալսարանի և Իռլանդիայի Սոցիալական աշխատողների ընկերակցության օժանդակությամբ: Հեռաուսուցման լաբորատորիան ունի տարածքային կենտրոններ ՀՀ մարզերում.հեռաուսուցման լաբորատորիայի Գյումրու մասնաճյուղ, հեռաուսուցման լաբորատորիայի Վանաձորի մասնաճյուղ:Հեռաուսուցման լաբորատորիայի հիմնական առաքելությունն է կրթության մատչելիության ապահովումը` բաց, ճկուն և բարձրորակ հեռաուսուցման ծրագրերի իրականացման միջոցով` ինչպես տեղաբնակ, այնպես էլ օտարերկրյա ուսանողների համար:
Հեռաուսուցման իրականացվող ծրագրերի առավելությունները
Հեռաուսուցման և «օն-լայն» կրթական դասընթացներ մատչելի են դարձնում կրթությունը բոլորի համար` անկախ տարածությունից, ժամանակից և այլ սահմանափակումներից:
Մասնակցելով հեռաուսուցման ծրագրերին` նախընտրած վայրից, նախընտրած ժամանակ կարող են ստանալ Երևանի պետական համալսարանի Մասնագիտական վերապատրաստման վկայական և պետական նմուշի կրթական այլ փաստաթղթեր:
Լաբորատորիան իրականացնում է մեկամյա հեռաուսուցման դասընթացներ հայերեն և անգլերեն լեզուներով` հետևյալ մասնագիտությունների գծով.
Սոցիալական աշխատանք (հայալեզու ծրագիր)
Սոցիալական մանկավարժություն (հայալեզու ծրագիր)
Մարդկային ռեսուրսների կառավարում (HR) (հայալեզու ծրագիր)
Հասարակայնության հետ կապեր (PR) և Շուկայագիտություն (Marketing) (հայալեզու ծրագիր)
Սոցիոլոգիա (անգլիալեզու ծրագիր)
Հոգեբանություն (անգլիալեզու ծրագիր)
Փիլիսոփայություն (անգլիալեզու ծրագիր)
Տնտեսագիտություն (անգլիալեզու ծրագիր)
Միջազգային հարաբերություններ (անգլիալեզու ծրագիր)
Անգլերեն լեզու
TOEFL
Վերը նշված բոլոր դասընթացների իրականացումը լիովին համապատասխանեցվում է ուսանողների անհատական ժամանակացույցին: Բոլոր այն անձինք, ովքեր նախկինում հնարավորություն չեն ունեցել ստանալու որակյալ և արդիական կրթություն` պայմանավորված վերը նշված պատճառներով, այժմ կարող են լրացնել այդ բացը:
Հեռաուսուցման առկա ծրագրերը մատչելի են նաև ֆինանսական տեսանկյունից:
Մանրամասների համար կարող են այցելել www.distancelearning.am վեբ կայքը, http://www.facebook.com/YSUdistancelearning կամ զանգահարել 077 484009 (բջջ.), (010) 555779 (աշխ) հեռախոսահամարներով:
