Տոկիոյում տեղի է ունեցել «Եվ հավերժ մարտ» ճապոներեն գրքի շնորհանդեսը, որը պատմում է սամբոյի և ձյուդոյի մարտարվեստի մասին: Ստեղծագործության հեղինակներից մեկը Ռուսական Ուղղափառ եկեղեցու առաջնորդ, պատրիարք Կիրիլն է, որն այս պահին պաստորական այց է կատարում Ծագող արևի երկրի ուղղափառ եկեղեցիներ:
Ինչպես հաղորդում է RBK-ն, գրքի շնորհանդեսին մասնակցել են պատրիարք Կիրիլը, Տոկիոյի մետրոպոլիտը, ռուս ուղղափառ եկեղեցու պատվիրակության անդամները, ճապոնացի հոգևորականներ, հանրության աշխարհիկ ներկայացուցիչներ:
Գրքի հեղինակը հայտնի մարզիչ, մենամարտի վարպետ Անատոլի Խլոպեցկին է: Եռապատման առաջին մասը գրվել է պատրիարք Կիրիլի հետ համատեղ:
Գրքում պատմվում է սամո մարտարվեստի հիմնադիրներից մեկի՝ Վասիլի Օշչեպկովի՝ Ճապոնիայում անցկացրած տարիների և այն ազդեցության մասին, որ նրա վրա թողել է Ճապոնիայում ուղղափառ եկեղեցու առաջնորդը:
