Facebook սոցցանցի սեփականատեր Մարկ Ցուկերբերգի դեմ դատական գործընթացներով հայտնի Թայելր և Կամերուն Վինկլվոս եղբայրները 1 մլն դոլար են ներդրել պրոֆեսիոնալ ներդրողների համար սոցցանց հիմնելու գործի մեջ, ցանցն անվանվել է SumZero, հաղորդում է The Wall Street Journal-ը: Այս ցանցի հիմնադիրներից մեկն էլ Վինկլովոսնների և Ցուկերբերգի համակուրսեցի Դիվյա Նարենդրան է:
SumZero-ն ունի 7500 գրանցված օգտատեր, որոնք հիմնականում հեջ-հիմնադրամների, հիմնադրամների մենեջերներ են` ռեսուրսը նրանց բնութագրում է որպես «buy side»` այսինքն՝ «գնորդ կողմ», ներդրումային բանկերի աշխատակիցները, որոնց SumZero-ն բնութագրում է որպես sell sinde` «վաճառող կողմ», չեն կարող գրանցվել տվյալ ցանցում: Լրագրողների կարծիքով՝ նոր սոցցանցի արտաքին տեսքը հիշեցնում է Facebook-ի նախնական շրջանի տեսքը:
Վինկլվոս եղբայրների` SumZero-ում 2012 թ. հունիսին կատարած ներդրումն առաջինն էր իրենց` փետրվարին հիմնած` Winklevoss Capital հիմնադրամի համար:
Եղբայրների գումարները 65 մլն դոլարով ավելացել էին 2009 թ., երբ դատարանի միջոցով կարգավորվել էր նրանց և ներկայիս խոշորագույն սոցցանցի սեփականատիրոջ` Ցուկերբերգի միջև հարաբերությունները:
ՀԻշեցնենք, որ Վինկլվոս եղբայրները Ցուկերբերգին մեղադրում էին իրենց գաղփարի գողության մեջ`ուսանողների ծանոթության համար նախատեսված կայք ստեծելու մասին էր խոսքը, որը Նարենդրայի կոմից էր մշակվել Հարվարդում ուսանելու ժամանակ: Այդ կայքի`ConnectU –ի, կառավարման համար եղբայրները և Նարենդրան վարձում են Ցուկերբերգին, որպեսզի ծրագրային կոդ ստեղծի տվյալ ցանցի համար: Սակայն դրա փոխարեն նա ստեղծում է սեփական նախագիծը` անվանելով այն Facebook (այն այսօր ամենամեծ քանակությամբ օգտատերեր ունեցող սոցցանցն է` 950 000 օգտատեր): Իսկ ինչ վերաբերում է Վինկլովոսների և Դիվյա Նարենդրայի նախագիծն, ապա այն այդպես էլ ճանաչում չի ունենում:
Եղբայրները գործը հանձնում են դատարան, 2004 թ. ապացույցների բավարար չլինելու պատճառով դատարանը մերժում է նրանց հայցը, սակայն 2008-ին նրանք կրկնում են իրենց հայցը ավելի շատ ապացույցներ հավաքելուց հետո` արդյունքում դատարանը նշանակում է 65 մլն դոլար փոխհատուցում:
