Աֆղանստանի Խելմանդ նահանգում ՆԱՏՕ-ի ռազմաօդային ուժերի բազայի վրա աննախադեպ հարձակման հետևանքով ոչնչացվել է ամերիկյան 6 ռազմական ինքնաթիռ: Հարձակումը տեղի է ունեցել սեպտեմբերի 14-ին, սակայն դրա արդյունքները չէին հրապարակվել:
Ջիհադ իրականացնողները ԱՄՆ բանակի զինծառայողների համազգեստով կարողացել էին ներխուժել թռիչքուղի ու ոչնչացնել 6 ռազմական ինքնաթիռ ու վնասել ևս 2-ը:
Ոչնչացվել են 6 պահեստարան և 3 լցակայաններ:
Հարձակմանը մասնակցել է 3 խումբ՝ հնգական մարդով: Նրանց հաջողվել է ներթափանցել ու հասցնել մինչ օրս Աֆղանստանում ՆԱՏՕ-ի ռազմական տեխնիկային հասցված ամենալուրջ վնասը: Այս մասին հաղորդում է MIGnews-ը:
Ի դեպ, հենց այդ բազա է ուղարկվել ծառայելու Մեծ Բրիտանիայի արքայազն Հարրին, ու հենց այդ բազան է «Թալիբանի» ուշադրության կենտրոնում:
