ԱՄՆ-ում սկսվել են Չինաստանի քաղաքացի Սիկինգ Լյուի գործով դատական լսումները, որը մեղադրվում է ամերիկյան ռազմական գաղտնիքների անօրինական փոխանցման մեջ, որն առնչվում է բարձր տեխնոլոգիաներին ու ծրագրային ապահովմանը:
Հետաքննության տվյալով՝ մեղադրյալը հանցագործության է դիմել հայրենիքում բարձր վարձատրվող աշխատանք գտնելու նպատակով:
Իրավապահները պարզել են, որ Լյուն, որը ԱՄՆ-ում մշտական բնակություն է հաստատել, իր նոութբուք է բեռնել մի շարք փաստաթղթեր ու դրանք տեղափոխել Չինաստան, որպեսզի դրանք ցուցադրի նանոտեխնոլոգիաներին նվիրված համաժողովին:
Այդ վարկածն առաջ է քաշվել այն բանից հետո, երբ նրա մոտ հայտնաբերվել է միջոցառման VIP-մասնակցի տարբերանշան:
Մեղադրյալի պաշտապանությունը պնդում է, որ նա՝ որպես ջանասեր աշխատակից, փաստաթղթերը տեղափոխել է տուն՝ գործուղման ժամանակ աշխատելու նպատակով:
«Համաաժողովի մասնակցելու մեջ ոչ մի հակաօրինական բան չկա: Նա աշխատանք աչի որոնել Չինաստանում: Տվյալ դեպքում բացակայում է դրդապատճառը, քանի որ բացակայել է հանցագործությունը»,- պնդում է նրա փաստաբանը: SecurityLab-ը, սակայն, նշում է, որ նա դրանով հույս է ունեցել ավելի լավ աշխատանք գտնել հայրենիքում:
