Միացյալ ազգերի կազմակերպության գլխավոր քարտուղար Պան Գի Մունը երկուշաբթի հայտարարել է, որ Բելառուսը խախտել է միջազգային օրենքները և զենք է վաճառել Կոտ դ’Իվուարին: «Սա էմբարգոյի լուրջ խախտում է, որը դրված է Կոտ դ’Իվուարի վրա 2004թ.-ից», ասել է նա: Այս մասին հաղորդում է Reuters գործակալությունը:
Զեկույցում ասվում է, որ բելառուսական ռազմական տեխնիկան արդեն գտնվում է Կոտ դ’Իվուարի մայրաքաղաք Յամուսուքրոյում: Բելառուսի կառավարությունը, Պան Գի Մունի տվյալներով, երեք ուղղաթիռ է ուղարկել իր պաշտոնից հեռանալուց հրաժարված Լորան Գբագբոյի ռեժիմին աջակցելու համար: Այս մասին հաղրոդում է RIA-Novosti գործակալությունը:
Հիշեցնենք, որ Գբագբոն արդեն մի քանի ամիս է առճակատման մեջ է մտել միջազգային հանրության հետ` հրաժարվելով իր տեղը զիջել օրինական ընտրված իշխանություններին: