«Ադրբեջանը տարին երկու անգամ նշում է հայերի կողմից իրականացված «ցեղասպանությունը», իսկ մեր Ազգային ժողովը դեռ չի ընդունել ադրբեջանցիների կողմից հայերի նկատմամբ իրականացված ցեղասպանության ծրագիրը»,- խոսելով Սումգայիթի 23-րդ տարելիցի մասին՝ լրագրողների հետ հանդիպման ժամանակ ասաց Ադրբեջանահայերի ասամբլեայի նախագահ Գրիգորի Այվազյանը:
Նրա տեղեկացմամբ, այս ծրագիրը ԱԺ է ներկայացվել 2009 թվականին «Ժառանգություն» և ՀՅԴ խմբակցությունների կողմից:
Գ. Այվազյանը, սակայն, հույս հայտնեց, որ հիշյալ օրինագծերը կընդունվեն, և Հայաստանում պաշտոնական մակարդակով կնշեն այդ տարելիցը: