Չինաստանում ճապոնական դպրոցներն ու ձեռնարկությունները մինչև չորեքշաբթի դադարեցրել են իրենց աշխատանքը: Պատճառը հակաճապոնական ելույթների ֆոնին ծայր առած անկարգություններն են: Այս մասին հաղորդում է NHK հեռուստաալիքը:
Հանգստյան օրերին հակաճապոնակական ակցիաներ են տեղի ունեցել Չինաստանի 85 քաղաքներում: Պեկինում և Գուանչժոուում ճապոնական դպրոցները փակվել են առնվազն երկու օրով: Ցուցարարների կողմից հարձակման են ենթարկվել Panasonic ընկերության 3 գործարանները: Ընկերության ղեկվարությունը երկուշաբթին և երեքշաբթին հանգստյան օրեր է հայտարարել:
Նման որոշում է կայացրել նաև Canon ըներության ղեկավարությունը` Կվանտուն շրջանի իր ձեռնարկության համար: Անկարգություների պատճառով հարկադիր պարապուրդի են մատնվել նաև սուպերմարկետներն ու հանրախանութները:
Անկարգություների հետևանքով Ճապոնիայի քաղաքացիների շարքերում տուժածների մասին չի հաղորդվում: Հաղորդվում է, որ Չինաստանում բնակվող ճապոնացիները ժամանակավորապես վերադառանում են հայրենիք:
Հիշեցնենք. երկրների հարաբերությունները տարածքային վեճի շուրջը սրվեցին այն բանից հետո, երբ այս շաբաթ Ճապոնիան ազգայնացրեց Սենկակու կղզիախմբի 5 կղզիներից 3-ը` գնելով դրանք մասնավոր սեփականատիրոջից: Կղզիները փոքր են, սակայն ռազմավարական մեծ նշանակություն ունեն:
