Իրանի նախագահ Մահմուդ Ահմադինեժադը շաբաթ օրը հայտարարել է Միավորված ազգերի կազմակերպությունը արդարացի սկզբունքով վերակառուցելու մասին, հաղորդում է IRNA գործակալությունը:
ԻԻՀ նախագահն այս հայտարարությունը արել է փախստականների հարցերով Գերագույն հանձնակատարի` Անտոնիո Գուտերեշեմի հետ հանդիպման ժամանակ:
Ահմադինեժադի խոսքով` UNHCR-ը այն կազմակերպություններից է, որը գործում է անկախ միջազգային քաղաքական իրավիճակից:
«Ոչ մի մարդ չպետք է ենթարկվի տեղահանման, քանի որ դա մարդու մեջ կամ մարդկային հասարակության շրջանում տառապանքներ է առաջացնում, որոնք հրահրված են տարածաշրջանային կամ միջազգային քաղաքական գերակա ուժերի կողմից: Այսպիսով միջազգային կառույցի կառավարման համակարգը պետք է բարեփոխել»,- հայտարարել է նա` նշելով, որ անհրաժեշտ է վերակառուցել ՄԱԿ-ը: «Չմիավորման շարժման» առաջնորդը Թեհրանում հայտարարել է, որ ՄԱԿ-ի Անվտանգության խորհուրդը Երկրորդ համաշխարհային պատերազմի մնացուկ է, և այժմ նրա լիգիտիմությունը բավարար չէ միջազգային հանրությունը կարգավորելու համար:
