Հռոմի պապ Բենեդիկտոս 16-րդը այսօր այցելում է Լիբանան: Այցի շրջանակներում կհյուրընկալվի նաև Լիբանանի հայ կաթոլիկների պատրիարքական Զմմառի վանքը: Այստեղ պատրասվում են սրբազան քահանայապետի ընդունելությանը: «Առաջին լրատվական»-ի հետ զրույցում Հայ կաթողիկե պատրիարքության տեղեկատվական կենտրոնի պատասխանատու հայր Վարդանի Գազանճյանը ներկայացրեց օրակարգը, ըստ որի՝ շաբաթ օրը՝ ժամը 13:00-ին, սրբազան Բենեդիկտոս 16-րդը այցելելու է Զմմառի վանք, որտեղ օծելու է Հակոբ Մեղապարտին նվիրված հուշարձանը՝ նվիրված հայ գրատպության 500-ամյակին: Այցի նպատակը, հայր Վարդանի խոսքով, խաղաղության հորդորն է Լիբանանի և Միջին Արևելքի ժողովուրդներին: «Նա այդ հորդորի մեջ ուղղություններ, ցուցմունքներ կտա Միջին Արևելքի բոլոր քրիստոնյանների և Միջին Արևելքի բոլոր բնակիչներին»,-ավեացրեց հայր Վարդանը:
Նա փոխանցեց նաև, որ այսօր երեկոյան Բենեդիկտոս 16-րդը ստորագրելու է առաքելական հորդորը՝ մշակված 2010 թ. Վատիկանում Միջին Արևելքի քրիստոնեության համար հրավիրված ժողովի ժամանակ: Նա նաև նշեց, որ Զմմառ սրբազան քահանայապետի այցելությունը մեծ խորհրդանշական արժեք է ներկայացնում:
Մեծի Տանն Կիլիկիո Արամ Ա կաթողիկոսը, սակայն, չի հանդիպի Բենեդիկտոս 16-րդի հետ, քանի որ մեկնել է Սարաևո՝ մասնակցելու միջազգային միջկրոնական համագումարին, որտեղ հայրապետը համագումարին ելույթ ունի, և Անթիլիաս է վերադառնալու սեպտեմբերի 17-ին: