Ուկրաինական ընդդիմադիր ТВi հեռուստաալիքը միջոցներ է հավաքում՝ դատարանի վերջին վճիռն իրականացնելու համար, ըստ որի՝ հեռուստաալիքը պարտավոր է հարկային ծառայություններին վճարել 4 մլն գրիվեն (մոտ 500 հազար դոլար),- հաղորդում է Korrespondent.net-ը:
ТВi-ը դիմել է «քաղաքացիներին, քաղաքական ուժերին, հասարակական կազմակերպություններին»՝ խնդրելով օգնել՝ հավաքելու այդ գումարը:
Հանգանակությունների համար բացվել է հատուկ հաշիվ: Գումարներ կարելի է ուղարկել ցանկացած երկրից:
Ավելի վաղ հաղորդվում էր, որ ապրիլին հեռուստաալիքում հարկային ստուգում էր անցկացվել: Հեռուստաընկերության գլխավոր տնօրեն Նիկոլայ Կնյաժիցկիի դեմ հարուցվել էր քրեական գործ. նա մեղադրվում էր հարկերից խուսափելու մեջ: Ավելի ուշ գործը փակվեց, սակայն իրենց հավակնություններից հարկային ծառայությունները չհրաժարվեցին:
Հեռուստաալիքի ղեակավարությունն իր հերթին հայտարարել է, որ հարկերը ճշգրտորեն վճարվել են: «Երբ Твi հեռուստաալիքը նոր էր ստեղծվում, մենք սարքավորումներ գնեցինք: Օրենքով պետությունը պետք է այդ դեպքում մեզ փոխհատուցեր ԱԱՀ 6 մլն դոլար,- ասել է Կնյաժիցկին:- Այն գումարները, որը մեզ պարտք է պետությունը, մենք չենք վճարել՝ նման ձևով մեզ վերադարձնելով պարտքը»:
Հեռուստաալիքը դատարանում շահել է դատը հարկային ծառայությունների դեմ, սակայն վերջինիս բողոք հայցը սեպտեմբերի 12-ին բավարարվել է: Դատարանը հեռուստաալիքին պարտավորեցրել է ընդհանուր առմամբ 4 մլն գրիվեն վճարել:
Հաղորդվում է, որ հարկային ծառայությունների բողոքը միայն մեկն է այն անհաջողություններից, որի հետ վերջին շրջանում բախվել է ընդդիմադիր հեռուստաալիքը: Վերջերս, մասնավորապես, նրան արգելեցին արտաքին տնտեսական գործունեություն ծավալել, բացի այդ, կալանքի տակ դրվեցին ТВi-ի արժութային հաշիվները: Ավելի ուշ այդ սահմանափակումները, այնուամենայնիվ, հանվեցին:
Ընդդիմադիր հեռուստաալիքի վրա ճնշումը իրականացվում է Գերագույն Ռադայի ընտրութունների նախաշեմին, որը նախատեսվում է հոկտեմբերին:
