Շատ մոտ ապագայում Թուրքիայի և Վրաստանի միջև կհանվի վիզային ռեժիմը: Այս մասին տեղեկացնում է APA-ն` հղում անելով իր դիվանագիտական աղբյուրներին:
Նշվում է, որ ներկայումս այդ ուղղությամբ աշխատանքները ավարտին են մոտենում, ինչից հետո երկու երկրների քաղաքացիները կկարողանան սահմանը հատել առանց անձնագրի, միայն ինքնության քարտով և կարող են Թուրքիայում կամ Վրաստանում առանց հատուկ թույլտվության մնալ մինչև մեկ տարի:
Հարցի լուծման համար անհրաժեշտ է միայն, որ վրացական փաստաթղթերում քաղաքացիների անուն-ազգանունները գրված լինեն լատինատառ:
Մինչ այժմ Վրաստանի քաղաքացիները առանց հատուկ թույլտվության Թուրքիայում կարող էին մնալ միայն 3 ամիս, ինչից հետո նրանք վտարվում էին երկրից: