Գերմանացի օդաչուները հանդես են գալիս Ավիացիոն անվտանգության եվրոպական գործակալության (EASA)՝ աշխատանքային օրը երկարացնելու որոշման դեմ, հաղորդում է Reuter s-ը:
Օդաչուների կարծիքով՝ դա կվնասի ուղևորների անվտանգությանը: Նման հայտարարությամբ սեպտեմբերի 12-ին հանդես է եկել Օդաչուների Cockpit արհմիության ղեկավար Իլյա Շուլցը բեռլինյան ILA ավիացուցահանդեսում:
Մասնավորապես, ըստ EASA-ի պլանների, օդաչուները գիշերը պետք է ղեկավարեն օդանավը ավելի քան 11 ժամ:
Ինչպես նկատել է Շուլցը, այդ կանոնները հաշվի են առնում ընկերության տնտեսական շահերը՝ անտեսելով անվտանգությունը:
Արհմիության ներկայացուցիչն ընդգծել է, որ գերմանացի օդաչուները չեն համաձայնի գիշերային ժամերին թռչել 10 ժամից ավելի:
Նրա խոսքով՝ ներկայում ամեն հինգերորդ ավիավթարը տեղի է ունենում օդաչուների կամ նրա օգնականի գերհոգնածության պատճառով:
EASA-ն նոյեմբերի վերջին աշխատանքային նոր պայմաններ պետք է ներկայացնի օդաչուներին:
Cockpit-ը ներկայացնում է շուրջ 8,2 հազար օդաչուների ու բորտինժեներների շահերը Գերմանիայում:
