Իրանը պաշտոնապես հայտարարել է, որ նոյեմբերի 10-ից հետո ցանկացած ժամանակ պատրաստ է շարունակել վեց պետությունների ներկայացուցիչների հետ բանակցություններն իր միջուկային ծրագրի շուրջ: Եվրամիության արտաքին քաղաքականության հարցերի հանձնակատար Քեթրին Էշթոնը հայտարարել է, որ Իրանի իշխանությունից նամակ է ստացվել, որտեղ հայտնվում է նոյեմբերի 10-ից հետո ցանկացած հարմար ժամանակ եւ ցանկացած տեղում բանակցելու պատրաստակամություն: Ավելի վաղ Էշթոնն Իրանի իշխանությանը առաջարկել էր բանակցել նոյեմբերի 15-17-ին, Վիեննայում, այս մասին հաղորդել է Reuters-ը: